Uzaqgörmə (hipermetropiya) – yalnız uzaqda yerləşən obyektlərin yaxşı, yaxın məsafədə yerləşən obyektlərin isə zəif göründüyü görmə defektidir.
Ametropiyanın bir növüdür. Eyni zamanda yaxınlıqdakı obyektlərə qarşı görmə defekti bu adı istifadə etməyin əsas səbəbidir, yəni insan uzağı da görməyəndə ona yenə də “uzaqgörmə” diaqnozu qoyula bilər. Yalnız yaşla bağlı uzaqgörmədən (presbiopiya) əziyyət çəkən insanlar uzaq məsafəni yaxşı görürlər.
Yaxınlıqdakı obyektlərin görmə problemini həll etmək üçün optik qüvvənin müsbət dəyərləri olan eynək və ya kontakt linzalardan istifadə oluna bilər. Bu qüsur akkomodasiyanın istirahətində refraksiyanın anomaliyası səbəbiylə görüntünün torlu qişada deyil, torlu qişanın arxasında fokuslanmasıdır. Gənc bir yaşda çox yüksək dərəcədə uzaqgörmə olmayanda adətən akkomodasiyanı gücləndirərək görüntünü torlu qişaya yönəltmək mümkün olur. Uzaqgörməsi olan insanlar işi yaxında görəndə tez-tez baş ağrısı çəkirlər. Dünya əhalisinin dörddə birində bu görmə anomaliyası var.
Uzaaqgörmə o səbəbdən yaranır ki, əsas optik fokusun normal görmədəki kimi torlu qişada deyil onun arxasında yerləşir. Uzaqgörməsi olan pasiyentin qısa gözü var (22 mm-dən az), halbuki emetropiyalı (yaxşı görən) insanda uzunluğu təqribən 24 mm olmalıdır. Bu yaxın məsafədəki obyektlərin aydın görüntüsünə mane olur, eyni zamanda uzaqgörmə də keyfiyyətini azaldır.
Uzaqgörmə anadangəlmə bir vəziyyətdir, əksər hallarda hipermetropiya yaşla azalır, çünki uşağın göz almasının böyüməsi davam edir. O uşaqlarda çəpgörmə və ambliopiyanın yaranmasını təhrik edə bilər. Büllurun akkomodasiya funksiyasının təbii olan yaşla bağlı dəyişikliklərinə görə yaranan uzaqgörmə presbiopiya adlandırılır. Pasiyentlər arasında “qısa qolların xəstəliyi” adı populyardır, çünki bir obyekti aydın görmək üçün onu gözlərdən daha da uzaqlaşdırmaq lazımdır. O adətən 40 yaşından sonra əmələ gəlməyə başlayır.
Uzaqgörmənin əsas simptomları:
- Yaxın işlərkən çətinliklər, uzağı görmə kəskinliyinin azalması;
- Gözlərin tez yorulması;
- Baş ağrıları.
Yuxarıda göstərilən simptomlardan ən azı biri aşkar edilərsə görmə diaqnozundan keçmək və mütəxəssislə məsləhətləşmək lazımdır.
Uzaqgörmənin dərəcəsi
Uzaqgörmənin 3 dərəcəsi fərqləndirilir:
- Hipermetropiyanın zəif dərəcəsi;
- Refraksiya anomaliyası +2.5 dioptridən çox deyil;
- Hipermetropianın orta dərəcəsi;
- Refraksiya anomaliyası +2.5 ilə +5.0 dioptriya arasındadır;
- Hipermetropiyanın yüksək dərəcəsi;
- Bu vəziyyətdə refraksiya anomaliyası +5.0 dioptriyanı aşır.
- İş saatları:
- B.e — C. Saat: 09:00—17:00
- Ünvanımız:
- Bakı şəhəri, Badamdar qəsəbəsi,
A. Abbaszadə küç. 13a, AZ1073 - Əlaqə nömrələri:
- *6699